إبنى الغالي

لما يجي اليوم اللي تشوفني فيه عجوزاً .. ارجوك خليك صبور وحاول تفهمني

لو هدومي اتوسخت وانا باكل الطعام .... لو معرفتش البس هدومي لوحدي،، افتكر الأيام اللي كنت بعلمك كل الحاجات دي

لو كنت بتكلم معاك وكررت نفس الكلام ونفس الموضوع الف مره،، لا تقاطعني.... واسمعني ومعلش يابني استحملني ،، لما كنت صغيراً يا بني , كنت دائماً تكرر وتسأل وانا اجيبك بحب لحد مفهمت وعرفت كل حاجه ،، وخليك فاكر اني علمتك ازاي تعمل كل الحاجات الكثيرة،، ازاي تأكل ،، ازاي تلبس ملابسك ،، ازاي تواجه الحياة

ولما أفقد ذاكرتي أو ألخبط في الكلام ،، استحملني وإديني وقت افتكر ولو مقدرتش افتكر،، متتعصبش ،، وحتي لو كان كلامي مش مهم ،، المهم انك تسمعني

لو مش عاوز اكل ،، متأكلنيش بالعافيه ،، لما اجوع سوف آكل

ولو معرفتش امشي بسبب قدمي المريضة ،، خليني امسك في ايدك،، بنفس الحب والطريقه اللي انا عملتها معاك وانت صغير ،، علشان تخطي اول خطوه ليك

ولما يجي اليوم الي اقولك فيه نفسي اشوف ربنا ،، متزعلش ومتبكيش هتعرف اللي بقوله فيوم من الايام ،، حاول أن تفهم أن عمري قرب ينتهي

وفى يوم من الأيام هتعرف برغم من كل العيوب التي فيّ ،، بتمنالك أحسن حاجه ،، بل أتنمى أن تكون أفضل منى بألاف المرات ،، وحاولت اسعدك بأي طريقة ،، وضحيت براحتى وسعادتى طول حياتى لأوفر لك ما أنت فيه الآن.

ساعدني يابني علشان امشي ... ساعدني علشان اعدي الطريق بالحب والصبر ،، زي معملت معاك وأنت صغير ،، ساعدني يا بني علشان اوصل للنهايه بسلام.

واتمني من ربنا أنك متحسش بالحزن ولا حتى بالعجز لما يجي الوقت واروح ،، لازم تكون جنبي وقريب مني ،، وتحاول تضمني ،، زي معملت معاك وانت صغير يا ابني

احضني يا ابني زي محضنتك وانت صغير ،، بحبك يا بني العزيز

والدك