ازاي تحب ربنا من كل قلبك ؟؟؟

(انواع محبه خاطئه) في ناس بتحب ربنا:

1) حب هش: مش يستحمل التجربه أوالاضطهاد

2) حب يضيع وسط محبات تانيه: زي سليمان (محبة النساء 1000 واحده) ويهوذا الاسخريوطي (محبة الفلوس)

3) ناس تحب المسيح محبه لا تخلو من الذات: بتحب نفسها بحب المسيح زي الكتبه والفريسيين (حبوا شكلهم في كنيسة المسيح) والتلاميذ (مين هيقعد علي يمينك ومين علي شمالك يعني بيدوروا علي مركزهم من خلال علاقتهم بالمسيح) والحرب دي تيجي للخدام والكهنه

ازاي نحب ربنا من كل قلوبنا؟؟؟

1) تكره الخطيه من كل قلبك ازااااااي؟؟؟؟؟؟؟ مجاهدين حتي الدم ضد الخطيه لان كل قتلاها اقوياء

تداريب: 1) اوعي تبرر الخطيه (اصل كله بيعمل كده اوأصل مقدرش معملش زي الناس) لان التبرير = فتور مع الخطيه = فتور في علاقة حبك بربنا بل قدم ندم ومطانيات وانسحاق واعتزار وتحس بالخجل وبالدموع (اب راهب قعد يعيط 40 سنه عشان لما كان عنده 12 سنه فيه خياره وقعت من الجمل واكلها من غير مايجري ورا الجمل ويدي صاحب الجمل الخياره اللي وقعت منه)

2) ابعد عن العثرات (أيأخذ انسان ناراً في حضنه ولا تحترق ثيابه؟؟؟ سفر الامثال 6) زي يوسف وماتسمعش حد بيدين واجري (اهرب من قطر دائرة الشر)

3) خلي عندك نوع من الوقايه بالتدقيق (كلما الانسان يحب ربنا حساسيته للخطيه تزيد)

4) تصلي له تكلمه وتقوله علمني كيف اصلي (زي ما التلاميذ عملوا) علمني يارب ازاي احبك من كل قلبي انت قلت ياابني اعطني قلبك وانا بقولك اهو انا مش قادر اعطيلك قلبي اذا مكنتش انت اللي هتيجي وتخده وتنظفه وتسكن فيه؛ انا ضعيف وحبي ليك حب هش وأعلن لك فشلي وضعفي وتقصيري تعالي انت اقتحمه وامتلكه واملك عليه ملكاً ابدياً (الصلاه تخلق عشره بينا وبين ربنا وبكلمات بسيطه نصل لعشرة ومحبة ربنا زي ابونا ميخائيل ابراهيم)

5) لازم يكون عندك وقت تقعد فيه مع ربنا (حياة الخلوه) زي في قصة مريم ومرثا (انتي تهتمين وتضطربين لاجل امور كثيره ولكن الحاجه الي واحد فاختارت مريم النصيب الصالح (اتعلمت تقعد لوحدها تحت رجلين المسيح))

خلوه: يعني ان الانسان يكنس كل زبالة المشاكل وكل زبالة الهموم عشان يعرف يقعد مع ربنا وقت هادي

تدريب (بس التدريب ده بيثير الحروب عشان كده لازم تحت ارشاد اب اعترافك) ساعه في الاسبوع تدخل فيها اوضتك او كنيسه فاضيه معاك بس انجيلك والاجبيه ونوته وورقه وقلم بتحاسب نفسك مع ربنا وتقف تصلي وتسيب فكرك يقودك في الصلاه (مره تحاسب نفسك علي خطاياك مره تتأمل في صفه من صفات ربنا الحلوه مره تحس بآيه قريتها) وتقوله نفسي اتعلم ادوس علي كل حاجه عشان اقعد معاك شويه

الأبديه ممكن الواحد يذوقها لو كان حريص انه يطلع وقت معين يقعد فيه خلوه مع الله (نروح نشحن البطاريه ولازم نأخد منه ونقعد زي مريم تحت رجليه ونقول الحاجه الي واحد)

لأبونا بولس جورج